| 以下呢篇野會好長,要睇既人請你諗清楚,睇前記得開左首歌先好睇,好feel D呀!!!特別送給每位義逹人...... 今年暑假,一個機緣下我參加左一個活動[義逹人],一個為一班中學義工所做既計劃。起初,只係希望能帶一班小朋友去一個camp,玩下。但估唔到它卻在我人生最後的暑假注入了無限的色彩!!!也認識了七位好朋友。佢地係兩位青協職員:飛魚和嘉琪,一個中七兼職:Kennis,三個好爸爸:阿Sam, Vincent同Peter 仲有那位己經認識很久的黑面哥哥:阿烽。我們由不相識,或者普通的朋友轉變為很好的朋友，如果可以,我想話係兄弟，不論男女。當然小不了我地四個爸爸(或者應該話我係唯一的媽媽)的那班仔仔女女,能夠認識佢地,係我一生既榮幸。在整個活動，七位同工及咁多個仔仔女女身上,我學到了很多不同的東西,無論是係為一個社工學生或是一個人都很重要的東西。確實,我上了很寶貴的一課,多謝大家,多謝你們給我機會。在接近個半月的活動完結後,我希望在我這個xanga打一篇回憶錄....讓所有人去回憶一下這位由七月十日走到八月二十一日的[義逹人] 還記得七月十日,我們第一次會面,神奇地,大家很快便變得很熟了,就好似識左好耐咁。那天本應是一個好簡單的義工briefing,想一想未來兩個workshop的內容,。來應該係幾例行工事的一件事情,卻突然變得認真。雖然成日都sidetrack 左同係到講笑,但我地都好認真咁傾到十一點幾(同阿烽遲到應該無關嫁可!!!!)....我由果日起就己經好鍾意呢個團隊(真心的,那兒一個令我覺得係唔想理既人都無) 七月十七日, 第一次workshop,大家都早左dd返去準備。雖然到開始後跟預期有點出入,想帶出的訊息可能未能完全帶出,但事實上,我們己經做到很多,只是期望過高而己。諗返起果日,班仔仔女女都真係幾令我覺得驚訝!!!原來十多個女仔可以係咁嘈嫁(仲有好多是非tim)!!!{小插曲,Kennis因為果日既一個錯誤,而令佢被我地咁多個義工欺負足活動既咁多日}完左活動,我地就傾返個workshop同下個workshop既內容,大家一齊食住飯咁傾(唔該曬班乖女幫我地買野食呀),一傾又到十一點幾.....不過其實我一d都唔捨得走....但都多謝大家容忍我既長氣....
七月二十四日, 第二次workshop,對唔住我遲左...仲遲過阿烽!!!今日既活動係出外既活動,有好多整估班仔仔女女既環節(我家陣先記得原來果日我果組扮肚痛既係翠兒)，不過佢地班o靚仔全部都唔記得有分數呢樣野囉,哈哈,正蠢豬。果日既活動都幾成功嫁我覺得,因為我地真係帶出左“動機”呢個Point，而呢樣野到完結既一日大家都仲記得。所以之前幾晚都係值得既。同樣地,我地今日完左又一起食飯,講下camp既野咁,真係越來越鍾意一起食飯傾野(多謝飛魚同嘉琪請食飯啦都)。仲記得果晚我地為左個夜行傾左好耐!!!仲要返去分工咁,做義工做到咁,你都咪話唔開心。 終於七月三十日,我地三日兩夜既camp終於開始。果時有好幾個細路無黎到,再加上大家都各自各咁玩,我地班義工都唔知點算好,加上飛魚同嘉琪既失聲,真係可以話屋漏偏逢連夜雨,但係也因此令我地可以認識到第八位戰友Peter,一個將會被稱為天使的男人。係出發車程到,估唔到d無聊IQ題同爛gag會咁受大家歡迎,呢個都幾係意料之外。不過更意料之外既係我地竟然係山到迷路。為左探夜行既路,我地幾個義工係要行另一條路入camp,點知又行錯路,搞到足足行多成個幾鍾先入到camp(過程好彩有部對講機玩下姐),仲要成身汗咁出現係大家面前。失去了體力,但卻換來了歡呼聲,或者都叫抵既。之後終於同班仔女見面,大家一起創作組名口號,玩遊戲,食飯,玩黑夜任務,還創作了自己的組歌同舞。經過第一天,阿Sam果組成功通左便秘,我變左做荷媽,仲同埋阿peter果組對親家!!!!果晚既義工E會,個個阿爸係到分享自己組既情況....雖然係愁多於樂,但果份關心,真係好似d阿爸講緊自己仔女咁....之後再傾埋個夜行同聽日既活動,大家先休息,果時好似都成點幾拿...不過我聽唔到一句怨言。(關於各組既野就唔係到回顧咁多,留比各位爸爸同d仔女自己傾啦)
到camp既第二日,天公做美,無落雨喎一早,我地班義工都好開心個夜行可以做到。不過班女仔就嘈到咩咁....搞到我地好早就要起身...“火”。今日朝早織網拋波個環節,好開心,因為每一組都好合作!!!午飯後我地送走飛魚,一齊係個hall到玩,呢個係屬於我地八個人既回憶,特別係一d唔出得街既相。之後到下午的歷奇活動時間到,我們知道有些人突破左自己,有些人嘗試突破自己。這一切都係我地希望做到的(所以我地話過唔放手,就算最後咬到成四十幾粒蚊我地都無放手)。之後有大家傾義工計劃既時間,還有每組分享互插既時間。我地義工好開心,因為真係可以睇到一班細路自己去計劃一個義工活動，所以挑剔個計劃時也好開心。之後就係最難忘的夜行環節。記得我地臨走前各自同自己組講幾句野,各組既內容係咩我唔知,但我知一切都係希望佢地小心,團結同好好體會。過程最難受既一定係唔理班仔女,要對佢地惡,雖然知是為佢地好,但我知大家真係好辛苦,好難受。特別當大家見到自己組員到逹時,表現出看見了你的喜悅時。我們要收起那句 “好掛住你地”而說出 “請你地安靜”。那種矛盾是很苦的。我永遠也忘記唔到大家在對講機果中的對話,那些充滿擔心及關心的說話。但大家準備左咁耐,放左咁多心機,今日真係可以講一句,我地既心機無白費。因為個夜行真係做得好好。晚上E會邊食邊傾成三個鍾....唔開心又點會講咁多呀。果晚,我見到一個好緊張要講曬自己仔女的Sam爸爸,一個因為佢班仔女表現而甜到入心既Vincent爸爸,一個想盡辦法去令自己組得到更多的peter爸爸。還有那些在組外默默努力的嘉琪,阿烽同kennis。
到最後一日,果餐要等齊人的早餐我十分感到,這是我第一次聽到的。到瘋狂的水戰時間,大家努力去制造自己組的羅馬炮架,終於看見每一組都很團結的時間。水戰玩得真係好開心,個個都顯露最奸既一面,還有濕身組鬥乾身組的時間。是這個camp玩樂部份的一個完美的總結。但是一切還没有完結,還記得水戰一完了,個個阿爸就係到趕功課寫咭仔。而在最後總結時間中,各組分享了感受,我地義工們也分享了感受(我果刻其實有刻喊左,因為你地真係好好)。午餐後便離開了,拍個照,camp也完了。回程唱的那些歌,很中呀。返到機構,大家又傾計了,又講左好耐,因為某d原因講起各自的學業經歷,也認識大家多了。捨不得,但總要分手。 之後是義工服務,由於分開兩組,不講太多了。但只想提一句,當班細路唱歌同叫energy的時候,我真係好想同佢地一齊唱同叫,佢地真係一班好叻既細路。即使整個義工活動很困難。但她們做得很好。她們令我即使入了camp也要出來跟她們出服務。我真係覺得佢地好犀利。 咁點都要講下我地八月十九日既準備工作,大家去左阿烽屋企到通頂做果套片。我真係覺得好難得,我地五個可以全部人到齊去為呢班細路做野。你地每一個都為左班細路無限量咁付出。我覺得好感動,從來未試過做義工做到每一個義工都咁為班細路著想,你地果然真係義之逹人。雖然我地好多時間man talk同玩啦...不過真係好耐未試過同班朋友通頂通到咁白痴同開心呀。 八月二十日,果碗嗲牛麵真係爽呀,咁樣賣旗先有力氣嫁。加埋都過百啦,係車到仲好似小學生咁,你地真係白痴得可愛。成二十個人去食Pizza hut...我真係第一次....但都係我食得最開心既一次呀.... “藍芽”呢味甜品都幾唔錯呀。如果唔係要準備野,我都幾唔捨得走呀。事實食完大家都好累嫁拿,但係都來來回回行左幾次荃灣街市果邊，為既就係果塊竹片同那過份執著的紫色油,算啦,雖然最後都找唔到,但總算盡力而為啦。之後又要返去做到成九點,真係名副其實既工場(仲要係赤裸上身的工場),不過估唔到呢幾個鐘你地令我再一了解到自己,有了點點既改變。我答應大家,我會嘗試去盡力主動對佢地好,不論結果如何。所以我既仔女你地要多謝咁呢幾個爸爸,係佢地令我明白,我地既關係唔係只存在係個camp入面。果晚錄birdie既留言,我更加感覺到即使很遠但卻很近的感覺。 最後,是八月二十一日完結的一日,再一次對唔住,唔係我唔知醒,我諗會有多d時間準備。好彩個天好好,令我地可以噴到d竹牌又可以乾到,thanks god。雖然最後有好多準備既野做唔曬又over run左,但係真係好開心。如果你堅持睇到呢到,我估隻歌都播完咁滯。唔知你會唔會記起果一隻舞呢。我永遠也記得果隻舞同呢一首歌,一隻屬於我地五“苦”既主題曲。我覺得那個苦是分離的苦。因為即使完了,我地都一起傾計分享班細路比我地既留言先捨得走,不過正所謂天下無不散之筵席,我地七“苦”都要說再見。約定大家九月食飯呀!!!!!
係呢一刻,我想多謝各位,係你地身上,我學到好多:
多謝飛魚, 希望學習你對每個細路的信任,同埋你果d ideas真係令我個袋好重呀! 多謝嘉琪,希望學習你d火同你對每個細路的愛,否則她們也不會叫你媽媽吧!
多謝阿烽,希望學習你那份犧牲,因你永遠也充當黑面那位即使你從來不是這樣。 多謝阿Sam,希望學習你那份溫柔,那份能令人信任及倚賴的溫柔。 多謝Vincent,希望學習你的熱情,一種令人没有距離感和恰到好處的熱情。 多謝Peter,希望學習你的真誠,那全心全意付出,不帶點批判的真誠!!!! 多謝細路們,希望學習你們的簡單!!!!!
前天是[義逹人]活動的句號,但我們卻有著不同的看法,有的會說是問號,逗號,感歎號,開括號,或是省略號。無論是甚麼的標點符號,[義逹人]這篇文章我地仲有排寫呀,right?
|
